::::::::في الحقيقة في الخيال متقلش
مستحيل الحلم يبقي مستحيل
لما تحلم الحياه بورده :: تتجمع القلوب في بذره
تسرق م الشمس النهار :: تاخد م الأرض الخضار
تفرد الورده شراعها :: وتجري في كل البحار
كانت الورده خيال :: وفي الحقيقه مش محال
لما يحلم الإنسان بفكره :: تتحول الأيام لتربه
تتعلق مشانق ف لحظه :: ويبقي الحلم مستحيل
تجري الأيام وتمشي :: والحلم صابر ما نامشي
تكبر الفكره ف عيوني :: وأرويها بدمي وجنوني
كانت الفكره خيال :: وفي الحقيقه مش محال
مستحيل الحب يبقي مستحيل
لما يبقي الكون جميل :: لما يبقي اليوم دليل
لما تبقي الشمس ورده :: والقمر يبقي قنديل
ف لحظه الأوهام تسافر ::والألم يهرب يهاجر
وتعمل للاحلام منابر ::وتهتف بحبك حناجر
تبقي شمعه وسط ضلمه ::تبقي رسم تبقي كلمه
تبقي صوره جواها روح ::تهمس تداوي الجروح
تبقي للاديان شروح :: تبقي للحب رسول
تبقي للعشاق دليل ::بعد كده تقول مستحيل
مش مستحيل الحب يبقلنا طريق
مش مستحيل نلاقي الصدق ف صديق :: مش مستحيل نلاقي قلب م الظلم بريء
مش مستحيل نشوف الجمال جوه المرار
ده حقيقه مش خيال متقلش انه محال
بقلم محمد العريان
ليست هناك تعليقات:
إرسال تعليق